История святых Веры, Надежды, Любови и матери их Софии

Житие святых мучениц Веры, Надежды, Любови и матери их Софии

Святые мученицы Вера, Надежда, Любовь и матерь их София

Вера, Надежда, Любовь – эти имена стали синонимами беззаветной веры в Христа, любви к Нему и негаснущей надежды на вечную жизнь в Царствии Его.

Святые мученицы Вера, Надежда, Любовь и их мать  София жили в Риме во II в.н.э. Когда произошли эти страшные события, старшей из сестёр   Пистис было двенадцать лет,  Элпис – десять, а младшей Агапэ всего  девять. В русской транскрипции эти имена звучат как Вера, Надежда и Любовь.

София («мудрость») была  христианкой, она чтила заповеди Божии, постоянно  молилась, держала посты и прививала своим дочкам  любовь к Христу. Дети росли и впитывали в себя тот благочестивый образ жизни, который вела их мать. Они знали апостольские книги, были прилежны в занятиях и усердны в молитве.

Девочки были трудолюбивы и во всём помогали матери, выполняя домашнюю работу. Они были красивы и благоразумны, и на эту христианскую семью вскоре обратили внимание и всюду стали о них говорить.

В это время во главе римлян стоял Адриан, проповедовавший язычество, суть которого заключалась в поклонении множеству различных богов. Язычество было главной религией в стране, а христианство было под запретом, потому что власти Рима боялись, что новое учение разрушит их привычные традиции. К тому же христианские идеи смирения и простоты, знать, погрязшая в роскоши и разврате, не могла принять.

Однако новая вера всё же стала распространяться среди низших слоёв народа. И этот факт сыграл негативную роль в отношении аристократии к новой религии – знать презрительно относилась к низшим слоям общества, а рабов вообще считала «говорящей вещью», поэтому эту религию стала считать «религией рабов». Кроме того, рабов в Риме было принято казнить  распятием на кресте – и эта смерть считалась позорной. Отсюда ещё одна причина неприятия верхами христианской религии.

Первые христиане в Римской империи тайно собирались в глухих местах, чтобы совершить обряд и помолиться. На них начались гонения. Самое удивительное, что причиной этих гонений стало то, что христиане, якобы, были человеконенавистниками.

Современным людям это сложно понять, ведь в наше время христианство соотносится с состраданием и милосердием. Но для изнеженной и развращённой римской знати, проводившей время в бесконечных пирах и развлечениях, идеи христианства, которое призывало ненавидеть грех и зло в человеке и бороться с ними, считались дикостью.

Святая мученица София

Когда до императора дошли слухи о благочестивой христианской семье, поклоняющейся только одному Богу, он был возмущён и повелел привести этих людей во дворец, хотя они и не проповедовали запрещённую религию и никому её не навязывали.

Адриан предложил Софии и дочерям отречься от веры. Взамен он предложил им жизнь, но услышал отказ, который поразил его до глубины души. Он долго уговаривал женщину, призывая её подумать о дочерях, но София не соглашалась. Тогда Адриан отпустил их домой, дав время на раздумья, сказав при этом, что в случае очередного отказа дети будут казнены.

Интересный фактДевочки были еще совсем юными: Вере было 12, Надежде – 10, а младшей Любови – 9 лет.

Когда София с дочерьми снова были приведены к императору, он предложил им вознести жертву богине Диане. Это просто: надо всего лишь положить на алтарь богини Дианы зёрна пшеницы. И все останутся живы. Но мать и её дочери не стали совершать обряд язычников. Они ответили императору Адриану: «У нас есть Бог Небесный, Его детьми мы и желаем остаться, нет никаких других Богов!» и стали молиться Христу.

Но Адриан продолжал настаивать. Он обратился к Вере: «Принеси жертву великой богине Диане». Когда девочка отказалась, её раздели и стали бить. Палач избивал Веру, но она стойко переносила удары. Тогда палач принёс железную решётку и поставил её на огонь. Когда решётка раскалилась докрасна, на неё положили связанную девочку. Но, по воле Господа, она не обожглась.

Это чудо ввергло всех в сильное изумление. Невредимую девочку поместили в чан с бурлящей смолой, но и в нём она не сварилась, как все ждали, а продолжала молиться Христу. И тогда Адриан, не зная, как ещё можно заставить её отречься от веры, приказал обезглавить девочку.

После казни Веры, император обратился ко второй сестре Надежде и предложил ей не терпеть те муки, какие только что перенесла её сестра, а признать Диану богиней. Но и Надежда отказалась предать свою веру, и была истерзана так же, как и сестра. Её били, мучили и огнём и кипящей смолой, но не смогли сломить. Как и Веру, Надежду обезглавили.

В третий раз, уже третьей сестре, самой младшей – Любови, предложил жестокий царь отречься от Христа, и в третий раз получил отказ. Любовь привязали к колесу, растянув так, что выскочили суставы, и стали бить палкой. От её крови земля вокруг стала мокрой. Но она молчала, и это ещё больше злило мучителей. Тогда её бросили в печь, из которой выплеснулось пламя, обжигая окружающих, но девочка осталась нетронутой огнём. После всех этих издевательств, ребёнок был обезглавлен.

Вера, Надежда, Любовь и матерь их София. Икона Византийского стиля. Датировка неизвестна.

Народ, наблюдающий за казнью, роптал. Многим была отвратительна звериная жестокость императора, а многие не понимали мать, отдавшую своих детей на страшные мучения. Ведь если бы она принесла жертву Диане, она спасла бы своих детей от смерти! Язычникам, действительно, была непонятна логика этой женщины. Но София понимала, что если она спасёт детей сейчас, предав веру, то навсегда закроет перед ними дверь в вечную загробную жизнь и обречёт их на вечные муки в Аду.

Сердце матери, наблюдавшей за мучениями своих детей, страдало  от нечеловеческой боли. Она хотела умереть вместе с ними, но жестокий император счёл такую смерть слишком лёгкой. Ей была уготована иная участь – страдания не телом, а душой и сердцем за детей своих, а через них за Христа. Ей отдали растерзанные тела дочерей, и она повезла их в телеге на кладбище, чтобы похоронить в полном одиночестве, где и осталась, совершив погребение. Через три дня она умерла от горя.

Мученицы Вера, Надежда, Любовь и София особенно почитаемы во французском городке  Эшо. Именно сюда в 777 г. в церковь св. Трофима из Рима была доставлена часть  мощей святых сестёр. Однако в неспокойные революционные годы они были уничтожены обезумевшей от вседозволенности толпой, а монастырские строения были распроданы и затем разрушены. Только в конце XIX в. церковь св. Трофима была восстановлена.

Церковь святого Трофима в городе Эшо

3Апрель1938 годаВ г. Эшо из Рима вновь были доставлены частицы мощей св. Софии, к которым со всего света сегодня стекаются люди.

Иконография

Почитание святых Веры, Надежды, Любови и матери их Софии началось в I-e вв. н.э., следовательно, их иконография также довольно древняя. Каждый век вносил свои изменения в иконописное мастерство, но изображения св. мучениц оставалось практически неизменным, лишь с разными деталями в данных образах: одежда, что держат в руках, с какими святыми изображены.

Сохранилась икона в Византийском стиле, где София изображена с крестом  и свитком, а возле неё дочери. Дошла до нашего времени икона Новгородской иконописной школы XVI в., где София с поднятыми руками, словно пытается обнять дочерей и укрыть их от беды.

Читайте также:  Святитель Григорий Богослов и его творения

Широко известна икона XVII в. Карпа Золотарёва,  находящаяся в Смоленском соборе Новодевичьего монастыря. На ней св. София держит за плечо свою младшую дочь Любовь. Святых мучениц изобразил также и Васнецов на своём триптихе «Радость праведных о Господе (Преддверие Рая)».

Мученицы Вера, Надежда, Любовь и София. Икона Смоленского собора Новодевичего монастыря, Москва. 1685

День памяти святых мучениц Веры, Надежды, Любови и матери их Софии празднуется 30 сентября. А все, кто крещен в честь этих святых, отмечают в этот день свой День Ангела.

В своих молитвах женщины просят святых о взаимопонимании родителей и детей, о защите подростков от негативного воздействия взрослого общества с его многочисленными соблазнами, о рождении детей и об их здоровье, о поддержке в трудный час.

Вы же, я́ко дерз­но­ве́­ние ко Хри­сту́ Бо́­гу иму́ще, мо­ли́­ти­ся за ны, во е́же из­ба́­ви­ти­ся нам гре­хо́в и скор­бе́й (из Акафиста).

Жизнь и гибель святых мучениц Веры, Надежды, Любови и Софии   это яркий пример того, что человек с верой в душе может превозмочь любые тяготы, в том числе  физические страдания.

Автор: Наталья Олива.

Свв. Вера, Надежда, Любовь и матерь их София

 

Тропарь, кондак, величание

Тропарь, глас 4:

Тоpжеству́ет Це́pковь пеpвоpо́дных,/ и свесели́тся пpие́мля ма́теpь о ча́дех веселя́щуюся,/ я́же я́ко му́дpости тезоимени́тая/ тpо́йственным богосло́вским добpоде́телем pавночи́сленныя поpоди́./ Ты́я с му́дpыми де́вами зpит уневе́стившияся Жениху́ Бо́гу Сло́ву,/ с не́ю и мы духо́вне в па́мяти их свесели́мся, глаго́люще:/ Тpо́ицы побо́pницы,/ Ве́pо, Любве́ и Наде́ждо,// в ве́pе, любви́ и наде́жде утвеpжда́йте нас.

Кондак, глас 1:

Софи́и честны́я свяще́ннейшия ве́тви,/ Ве́ра и Наде́жда и Любо́вь, показа́вшеся,/ му́дрость обуи́ша е́ллинскую благода́тию,/ и пострада́вше, и победоно́сицы яви́вшеся,// венце́м нетле́нным от всех Влады́ки Христа́ увязо́шася.

Величание

Величаем вас, страстотерпицы святыя, и чтим честная страдания ваша, яже за Христа претерпели есте.

Акафист

Акафист

Конда́к 1

Избра́нным раба́м Го́спода Вседержи́теля, Ве́ре, Наде́жде и Любви́, и му́дрей ма́тери Софи́и, похва́льная вам пе́ния умиле́нно возно́сим. Вы же, я́ко дерзнове́ние ко Христу́ Бо́гу иму́ще, моли́тися за ны, во е́же изба́витися нам грехо́в и скорбе́й, да благода́рственно вопие́м вам:

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

И́кос 1

А́нгели на Небеси́ ра́довахуся, доброде́тельное житие́ ва́ше зря́ще, е́же провожда́сте в чте́нии Писа́ний Боже́ственных, в труде́х, посте́, моли́тве и ми́лостыни, ма́терию ва́шею непреста́нно су́щи поуча́еми, да явите́ся о́брази живи́и трие́х богосло́вских доброде́телей, и́хже имена́ми наречены́ бы́сте. Мы же, такове́й му́дрости ма́тере ва́шея и соверше́нному благоразу́мию ва́шему дивя́щеся, благогове́йно рцем вам:

Ра́дуйтеся, единомы́сленныя сестры́, трие́м доброде́телем тезоимени́тыя; ра́дуйтеся, в повинове́нии богому́дрей ма́тери ва́шей на сте́пени соверше́нствования вше́дшия.

Ра́дуйтеся, а́ки три ра́йския ве́тви, в злове́рнем Ри́ме возра́сшия; ра́дуйся, Софи́е, дще́рем твои́м имена́ доброде́телей наре́кшая, я́же ве́щию исполня́ти научи́ла еси́.

Ра́дуйся, Ве́ро, ве́рою неви́димое, я́ко ви́димое, зре́ти нам помога́ющая; ра́дуйся, в нетле́ние облече́нная.

Ра́дуйся, Наде́ждо, наде́ждою страда́ния на́ша во юдо́ли ско́рби ослабля́ющая и в го́рняя десни́цею указу́ющая; ра́дуйся, Ца́рствие Небе́сное унасле́довавшая.

Ра́дуйся, Любы́, любо́вию Боже́ственною блаже́нство безсме́ртныя жи́зни нам открыва́ющая; ра́дуйся, благода́тию Ду́ха Свята́го осия́нная.

Ра́дуйся, Софи́е, си́есть прему́дрость, прему́дре дще́ри твоя́ воспита́вшая; ра́дуйся, в доброде́телех ве́ры, наде́жды и любве́ нас утвержда́ющая.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 2

Ви́дящи му́драя Софи́я слуги́, прише́дша зва́ти ю со дще́рьми ко царю́ Адриа́ну, и позна́вши вину́ призва́ния своего́, ста со ча́ды свои́ми на моли́тву, по́мощи Бо́га прося́щи. По моли́тве же, е́мшеся за ру́це, я́коже вене́ц уплете́нный, идя́ху вку́пе, пою́ще Христу́ Бо́гу: Аллилу́иа.

И́кос 2

Ра́зум несумне́нный име́ли есте́, святы́я, егда́ бо в пала́ты ца́рския введены́ бы́сте, царе́ви Адриа́ну предста́сте с лице́м све́тлым, очесы́ весе́лыми и се́рдцем му́жественным. Царь же, зря честна́я лица́ ва́ша неустраше́нна и му́дрость Софи́и уве́дев, отложи́ на и́но вре́мя суд свой и отсла́ вы к не́коей благоро́дней жене́, у нея́же пребы́сте три дни, ма́тери ва́шей прему́дрей богодухнове́нными словесы́ день и нощь вас поуча́ющей. Те́мже ублажа́юще вас, взыва́ем си́це:

Ра́дуйтеся, три непоро́чныя а́гницы Христо́вы, вене́ц доброде́телей в себе́ совокупи́вшия; ра́дуйтеся, три доброде́тельныя сестры́, тве́рдую ве́ру, несумне́нную наде́жду и нелицеме́рную любо́вь ко Го́споду Бо́гу яви́вшия.

Ра́дуйтеся, не пощади́вшия красоты́ и мла́дости ва́шея, Красне́йшаго ра́ди добро́тою па́че сыно́в челове́ческих; ра́дуйся, Софи́е, ча́да твоя́ возлю́бленная на по́двиг му́ченический за Христа́ наставля́вшая.

Ра́дуйся, Ве́ро, муче́нием за Христа́ ве́ру твою́ испове́давшая; ра́дуйся, сестры́ твоя́ кре́пкою ве́рою воздвиза́вшая.

Ра́дуйся, Наде́ждо, тве́рдое наде́яние на Христа́ возлага́вшая; ра́дуйся, сестры́ твоя́ неосла́бною наде́ждою укрепля́вшая.

Ра́дуйся, Любы́, му́ками за Христа́ любо́вь твою́ де́йственную показа́вшая; ра́дуйся, сестры́ твоя́ огне́м любве́ огражда́вшая.

Ра́дуйся, Софи́е, сла́дкая ча́да твоя́ увещава́вшая презре́ти сла́ву и бога́тство и всю сла́дость ми́ра сего́ тле́ннаго; ра́дуйся, до́брыя дще́ри твоя́ до кро́ве ста́ти за Го́спода и умре́ти за Него́ усе́рдно учи́вшая.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 3

Си́лою Боже́ственною осенены́ бя́ху му́ченицы, я́же доброде́тели име́н свои́х яви́ша де́лом в по́двизех му́ченических, воспева́юще Бо́гу: Аллилу́иа.

И́кос 3

Иму́ще в себе́ святы́я му́ченицы столп ве́ры, криле́ наде́жды и огнь любве́, в сла́дость послу́шающия от слове́с ма́тере своея́, еди́на другу́ю в долготерпе́нии утвержда́ху и ра́достно идя́ху, жела́юще честна́го му́ченичества, е́же за Христа́. Тому́ покланя́ющеся, я́ко Бо́гу на́шему, сицевы́ми вас воззва́ньми почита́ем:

Ра́дуйтеся, ни ма́ло не поскорбе́вшия о лише́нии вре́меннаго сего́ живота́ ве́чныя ра́ди жи́зни; ра́дуйтеся, че́сти ра́ди Христо́вы плоть на му́ки преда́вшия.

Ра́дуйтеся, три многоце́нныя сосу́ды ве́ры, наде́жды и любве́ Бо́гу в дар прине́сшия; ра́дуйся, Софи́е, я́ко, любве́ ра́ди презе́льныя ко дще́рям твои́м, всем се́рдцем возжеле́ла еси́, да Ца́рствие Бо́жие насле́дуют.

Ра́дуйся, Ве́ро, ду́ши на́ша ве́рою озаря́ющая; ра́дуйся, к ти́хому приста́нищу нас вознося́щая.

Ра́дуйся, Наде́ждо, сердца́ на́ша сла́достию наде́жды оживля́ющая; ра́дуйся, из пучи́ны отча́яния нас извлека́ющая.

Ра́дуйся, Любы́, страда́ния и ско́рби на́ша в ра́дость прелага́ющая; ра́дуйся, окамене́нная сердца́ на́ша во умиле́ние преводя́щая.

Ра́дуйся, Софи́е, му́дростию на благо́е нас наставля́ющая; ра́дуйся, потемне́нное о́ко душ на́ших просвеща́ющая.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 4

Бу́ря я́рости мучи́телевы нападе́ на тя, свята́я Ве́ро, но не поколеба́ тя. Кто бо возмо́жет ве́ру неодоли́мую подви́гнути, адама́нта крепча́йшую, я́же ве́рных научи́ла есть пе́ти с тобо́ю Бо́гу: Аллилу́иа.

И́кос 4

Слы́шащи му́драя ма́ти дще́ри своя́ пред царе́м небоя́зненно Христа́ испове́дающия и глаго́лющия, я́ко того́ еди́наго жела́ют, е́же бы страда́ти и терпе́ти го́ркия му́ки сла́дкаго ра́ди Иису́са Христа́, ра́довашеся вельми́ и моля́ше Бо́га, да укрепи́т я в предлежа́щих му́ках. Сие́ у́бо изволе́ние похваля́юще, пе́рвейшей дще́ри му́дрыя ма́тере та́ко воспое́м:

Ра́дуйся, Ве́ро, немилосе́рдая бие́ния Сладча́йшаго ра́ди Иису́са сла́дце прие́мшая; ра́дуйся, уре́занная сосца́ твоя́, а́ки два кри́на чистоты́, в же́ртву Го́споду прине́сшая.

Ра́дуйся, я́ко от я́звы твоея́ вме́сто кро́ве млеко́ истече́; ра́дуйся, я́ко на раскале́нное желе́зо положе́на была́ еси́.

Ра́дуйся, я́ко в коно́б кипя́щ вве́ржена су́щи, ни ма́ло не опали́лася еси́, ниже́ вреди́лася еси́; ра́дуйся, пла́мень страсте́й на́ших небе́сною прохла́дою утиша́ющая.

Читайте также:  Почему святая вода позеленела дома, зацвела или протухла

Ра́дуйся, огнь муче́ний на́ших в боле́знех угаша́ющая; ра́дуйся, зна́мением ве́ры посреде́ напа́стей нас зна́менающая.

Ра́дуйся, щито́м ве́ры во бра́ни со враго́м нас покрыва́ющая; ра́дуйся, честну́ю главу́ твою́ за Главу́ Це́ркве, Христа́ Бо́га, под мечь ра́достно прекло́ншая.

Ра́дуйся, я́ко обагре́нием кро́ве твоея́, а́ки червлени́цею оде́яна, яви́лася еси́ очесе́м Безсме́ртнаго Жениха́ твоего́; ра́дуйся, к жела́нному кра́ю прише́дшая и люби́маго Спа́са и Го́спода узре́вшая.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 5

Богозда́нным звезда́м уподо́билися есте́, Ве́ро, Наде́ждо и Любы́, всем бо се́рдцем прилепи́вшияся ко еди́ному ве́чному Животу́ и Красоте́ неизрече́нней, Иису́су Христу́, ско́ро ше́ствовасте, во е́же умре́ти за Него́ и наслади́тися Боже́ственнаго Его́ виде́ния, пою́ще Ему́: Аллилу́иа.

И́кос 5

Ви́девше добропобе́дныя сестры́ святу́ю Ве́ру ра́достно за Христа́ пострада́вшу, и са́ми хотя́ху ду́ши своя́ за Него́ положи́ти: царь же Наде́жду святу́ю нача́т испы́товати, и ви́дев ю с сестро́ю единомы́сленну су́щу, на му́ки вдаде́ ю, оба́че ничто́же успе́. Мы же, Наде́жду святу́ю о сицево́м ея́ мудрова́нии ублажа́юще, воспои́м и просла́вим ю́:

Ра́дуйся, Наде́ждо, жесто́ко бие́нная, оба́че пресве́тлую наде́жду на Го́спода не потеря́вшая; ра́дуйся, му́ки твоя́ безро́потно в молча́нии терпе́вшая.

Ра́дуйся, и нам кре́пкое терпе́ние подаю́щая; ра́дуйся, я́ко в разжже́нней пещи́ неопаля́ема бы́вши, хвалу́ Бо́гу возсыла́ла еси́.

Ра́дуйся, я́ко и нас во страда́ниих хвали́ти Бо́га науча́еши; ра́дуйся, я́ко ногтьми́ желе́зными стро́гана была́ еси́.

Ра́дуйся, нас, су́щих в ско́рбех, луча́ми наде́жды осиява́ющая; ра́дуйся, я́ко чу́дное не́кое благоуха́ние от язв твои́х исхожда́ше.

Ра́дуйся, непоколеби́мое упова́ние на Го́спода Иису́са неизме́нно сохра́ншая; ра́дуйся, безнаде́жность и безси́лие в сердца́х на́ших истребля́ющая.

Ра́дуйся, ме́чное посече́ние за Христа́ ра́достно прии́мшая; ра́дуйся, я́сная денни́це, нам, печа́льми земны́ми угнете́нным, мир ве́чный раскрыва́ющая.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 6

Пропове́дником и апо́столом богоно́сным подо́бны бы́сте, богому́дрыя сестры́: доброде́тельми бо ва́шими пропове́дасте всем ве́рным ве́ру, наде́жду и любо́вь ко Го́споду, Влады́це всех, Тому́ пою́ще: Аллилу́иа.

И́кос 6

Возсия́ла еси́, а́ки со́лнце, Любы́ свята́я, кто бо си́це за возлю́бленнаго Го́спода своего́ можа́ше ста́ти, я́коже любы́, поне́же пи́сано есть: «Крепка́ я́ко смерть любы́, вода́ мно́га не мо́жет угаси́ти любве́, и ре́ки не потопя́т ея́». Мо́лим ти ся ны́не, Любы́ свята́я, серафи́мским пла́менем любве́ ко Го́споду горя́щая, обнови́ окамене́нная и изсо́хшая сердца́ на́ша, возжги́ в нас, оскуде́вших любо́вию, свет любве́, да возлю́бльше Го́спода и вся бли́жния на́ша, тебе́ я́ко моли́твенницу на́шу, восхва́лим си́це:

Ра́дуйся, Любы́, я́ко любве́ твоея́ ко Христу́ воды́ мно́ги пре́лестей мирски́х не угаси́ша; ра́дуйся, я́ко вся ласка́ния и да́ры царе́вы отве́ргши, ду́шу твою́ за Го́спода положи́ла еси́.

Ра́дуйся, я́ко любве́ твоея́ ре́ки бед и страда́ний не потопи́ша; ра́дуйся, за Го́спода Иису́са на колеси́ протя́гнутая, же́злием бие́нная, све́рдлами прободе́нная и в пещь о́гненную вве́рженная.

Ра́дуйся, я́ко в лю́тых му́ках твои́х си́лою Бо́жиею укрепля́ема была́ еси́; ра́дуйся, кро́вию твое́ю, любве́ ра́ди к Безсме́ртному Жениху́ твоему́ Христу́ излия́нною, в хла́дных сердца́х на́ших любо́вь возбужда́ющая.

Ра́дуйся, я́ве показа́вшая нам, я́ко любве́ ра́ди вся муче́ния сла́дце претерпева́ются; ра́дуйся, яви́вшая нам, я́ко любы́ Боже́ственная приво́дит к животу́ ве́чному.

Ра́дуйся, са́мою ве́щию уве́рившая, я́ко любы́ Боже́ственная открове́ние есть безсме́ртия; ра́дуйся, я́ко ника́яже мучи́тельства возмого́ша разлучи́ти Любо́вь от любве́ Христо́вы.

Ра́дуйся, в му́ках апо́стольски веща́вшая, я́ко не разлучи́т тя от любве́ Бо́жия ни скорбь, ни теснота́, ни гоне́ние, ни глад, ни нагота́, ни беда́, ни меч; ра́дуйся, любве́ ра́ди Христо́вы мече́м во главу́ усече́нная.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 7

Хотя́ще скоре́е от те́ла разлучи́тися и со Христо́м бы́ти, святы́я де́вы, егда́ на ме́чное посече́ние идя́ху, еди́на другу́ю и ма́терь свою́ Софи́ю объе́млюще лобыза́хуся, дру́жескому нас любле́нию поуча́юще, да вси ку́пно пое́м Бо́гу: Аллилу́иа.

И́кос 7

Но́вое чу́до показа́ Госпо́дь, егда́ по́мощь Свою́ посла́ страда́вшим за испове́дание и́мене Его́ толи́ко ю́ным де́вам: ве́рою бо, наде́ждою и любо́вию укрепля́емы и возноси́мы бы́вше, до́блественне по́двиги своя́ сконча́ша. Мы же в единомы́слии и единоду́шии до конца́ живота́ пребы́вших мо́лим вас, да и нам низпо́слете единомы́слие в соверше́нии до́брых дел, умиле́нно велича́ющим вас:

Ра́дуйтеся, Ве́ро, Наде́ждо и Любы́, еди́нем путе́м муче́ний до врат небе́сных ше́дшия; ра́дуйтеся, в пресве́тлый черто́г прелюбе́знаго Жениха́ ва́шего во гла́се ра́дования вше́дшия.

Ра́дуйтеся, я́ко Иису́с Христо́с просвети́, я́коже зве́зды на небеси́, ра́ны на телесе́х ва́ших; ра́дуйся, Софи́е, до́блественне на му́ки чад твои́х взира́вшая.

Ра́дуйтеся, я́ко небе́сною красото́ю, ея́же о́ко не ви́де, украси́ Госпо́дь добро́ту ва́шу, му́ками отъя́тую; ра́дуйтеся, венцы́ воздая́ния прие́мшия.

Ра́дуйтеся, а́ки три звезды́, Со́лнцем пра́вды озаре́нныя; ра́дуйся, Софи́е, в му́жественнем испове́дании дще́рьми твои́ми и́мене Христо́ва утеше́ние ве́лие обре́тшая.

Ра́дуйтеся, мглу сомне́ний на́ших разсеява́ющия; ра́дуйтеся, нас удруче́нных страда́ньми душе́вными и теле́сными, подкрепля́ющия.

Ра́дуйтеся, красото́ю любве́ сердца́ на́ша украша́ющия; ра́дуйся, Софи́е, кре́посте и утеше́ние изнемога́ющих в беда́х и ну́ждах.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 8

Стра́нное и непоня́тное нам немощны́м, в мирски́х сласте́х погря́знувшым, зрим де́ло, я́ко Софи́я свята́я, возлю́бленных чад свои́х ви́дящи лю́тыя и го́рькия му́ки и сме́рти, ни ма́ло не поскорбе́, но возра́довася зело́ ду́хом, пою́щи Бо́гу: Аллилу́иа.

И́кос 8

Вся бе в вы́шних му́драя Софи́я, егда́ дще́ри своя́ сла́дкими словесы́ и му́дрыми увеща́ньми на муче́ния подвиза́ше. А́ще же от естества́ к слеза́м преклоня́шеся а́бие, от любве́ Христо́вы прелага́шеся на ра́дость, печа́ль бо серде́чную и боле́знь о ча́дех ма́тернюю победи́ в ней любы́ Бо́жия. Ве́лиею у́бо любо́вию дще́ри своя́ лю́бящи, па́че всего́ тем Ца́рствия Небе́снаго жела́ше. Сего́ ра́ди, чудя́щеся му́дрости и вели́цей любви́ твое́й ко дще́рем и сла́вяще тя, взыва́ем:

Ра́дуйся, Софи́е, я́ко возвесели́ся душа́ твоя́ о блаже́нней кончи́не дще́рей твои́х, свято́е и́мя Го́спода дерзнове́нно испове́давших; ра́дуйся, в му́ченичестем венча́нии чад твои́х честь и сла́ву прия́вшая.

Ра́дуйся, уча́стия му́ченическаго и спребыва́ния со дще́рьми в небе́сней сла́ве Христа́ Бо́га сподо́бльшаяся; ра́дуйся, честна́я телеса́ дще́рей твои́х с ра́достными слеза́ми погре́бшая.

Ра́дуйся, три дни гро́бу их приседе́вшая и сном сме́рти о Го́споде почи́вшая; ра́дуйся, а́ще и не пло́тию, оба́че се́рдцем за Христа́ страда́вшая.

Ра́дуйся, я́ко три доброде́тельныя дще́ри, си́ми ве́ру, наде́жду, любо́вь к Бо́гу яви́вши, в дар Пресвяте́й Тро́ице принесла́ еси́; ра́дуйся, я́ко чадоро́дия ра́ди спасла́ся еси́.

Ра́дуйся, ди́вная ма́ти, благи́я па́мяти досто́йная; ра́дуйся, дще́ри твоя́, да кровь свою́ за Христа́ пролию́т, моли́вшая.

Ра́дуйся, умудря́ющая ны, да блюде́м непрело́жно доброде́тели ве́ры, наде́жды и любве́; ра́дуйся, Животворя́щей Тро́ице за ны моля́щаяся.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 9

Вси А́нгели дивля́хуся о страда́ниих ва́ших, святы́я му́ченицы, и побе́ду ва́шу над диа́волом торжеству́юще, ду́ши же ва́ша к Небеси́ провожда́юще, воспева́ху Христу́ Бо́гу: Аллилу́иа.

И́кос 9

Вити́и велере́чивии вся страда́ния ва́ша за Христа́ не возмо́гут изрещи́, дивя́щеся же толи́ким подвиго́м, во млады́х ле́тех подъя́тым, немо́тствуют. Мы же о честне́й кончи́не ва́шей Бо́га прославля́юще, велича́ем вас си́це:

Читайте также:  В чем помогает святой целитель Пантелеймон

Ра́дуйтеся, Ве́ро, Наде́ждо и Любы́, пою́щия хвалу́ Бо́гу, на не́бо небесе́ возше́дшему; ра́дуйтеся, щи́те ве́ры, броне́ наде́жды и свети́льниче любве́.

Ра́дуйтеся, зре́нием пресве́тлаго лица́ Бо́жия наслажда́ющияся; ра́дуйся, Софи́е, благочести́выя ма́тери на му́дрое воспита́ние чад их наставля́ющая.

Ра́дуйтеся, поуча́ющия ны, да взы́щем Го́спода, и жи́ва бу́дет душа́ на́ша; ра́дуйтеся, с ве́рою, наде́ждою и любо́вию прибега́ющих к вам те́плыя моли́твенницы.

Ра́дуйтеся, вразумля́ющия ны, я́ко вся сла́дость и пре́лесть ми́ра сего́ я́ко дым изчеза́ет, я́ко прах от ве́тра размета́ется и в персть обраща́ется; ра́дуйся, Софи́е, всем се́рдцем Го́спода Бо́га возлю́бльшая.

Ра́дуйтеся, а́ки трие́ све́тлии ключи́, ко еди́ному Исто́чнику жи́зни прите́кшии; ра́дуйтеся, а́ки трие́ благово́ннии цве́ти, на еди́ней благопло́дней ве́тви прозя́бшии.

Ра́дуйтеся, а́ки три зерца́ла, безпреде́льную красоту́ Бо́жию в себе́ отража́ющая; ра́дуйся, Софи́е, а́ки ма́слина, три ве́тви, отягче́нныя изоби́льными плоды́ даро́в Бо́жиих, произра́стшая.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 10

Спасти́ хотя́ще ду́ши своя́ святы́я му́ченицы, любве́ ра́ди Христо́вы ласка́ния царе́ва и бога́тства ми́ра сего́ тле́ннаго презре́ша и ра́достно кончи́ну му́ченическую за Христа́ прия́ша, пою́ще Ему́: Аллилу́иа.

И́кос 10

Стена́ми ве́ры, наде́жды и любве́ явля́ются святы́я му́ченицы всем, прибега́ющим к ним с те́плою и усе́рдною моли́твою и си́це в печа́лех и напа́стех к ним взыва́ющим:

Ра́дуйтеся, язв грехо́вных до́брыя цели́тельницы; ра́дуйтеся, во тьме печа́ли на́шея све́том упова́ния ны озаря́ющия.

Ра́дуйтеся, посреде́ напа́стей и скорбе́й ди́вный поко́й нам посыла́ющия; ра́дуйся, Софи́е, о нас, в злострада́ниих пове́рженных, му́дрое попече́ние явля́ющая.

Ра́дуйся, Ве́ро, крест спасе́ния пред на́ми воздвиза́ющая; ра́дуйся, не́мощи на́ша по моли́твам к тебе́ изцеля́ющая.

Ра́дуйся, Наде́ждо, я́корь избавле́ния нам подаю́щая; ра́дуйся, уны́ние серде́ц на́ших бла́гостно отъе́млющая.

Ра́дуйся, Любы́, твои́м ко Го́споду хода́тайством в злей напа́сти от неча́янныя сме́рти ны огражда́ющая; ра́дуйся, изнемога́ющия си́лы на́ша на бо́дрость возставля́ющая.

Ра́дуйся, Софи́е, приле́жная о нас к Бо́гу моли́твеннице; ра́дуйся, в до́брех де́лех на́ших му́драя наста́внице.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 11

Пе́ние сие́ похва́льное, а́ще бы и тмочи́сленное приноша́хом вам, святы́я му́ченицы, не бы довле́ло ко прославле́нию доброде́телей и по́двигов ва́ших. Оба́че хвалу́ Бо́гу возсыла́юще за вся, я́же во святы́х Свои́х нам явля́ет, Тому́ пое́м: Аллилу́иа.

И́кос 11

Све́том небе́сным пред Го́сподем горя́щим свеща́м подо́бны Ве́ра, Наде́жда и Любы́, ку́пно с ма́терию их Софи́ею, к ни́мже припа́даем, моля́ще, да просветя́т ны, омраче́нныя печа́льми и из глубины́ серде́ц зову́щия:

Ра́дуйтеся, ри́зы ва́ша в кро́ви А́гнчей на земли́ убели́вшия; ра́дуйтеся, живота́ ве́чнаго нам хода́таицы.

Ра́дуйтеся, душ, и́щущих поко́я в милосе́рдии Бо́жии, утвержде́ние и хране́ние; ра́дуйся, Софи́е, от суеты́ мирски́я ны огражда́ющая.

Ра́дуйся, Ве́ро, доброце́нная кади́льнице, фимиа́м хвалы́ Бо́гу вознося́щая; ра́дуйся, нас гре́шных ве́рою просвеща́ющая.

Ра́дуйся, Наде́ждо, в ско́рби утеше́ние и прибе́жище на́ше; ра́дуйся, в печа́лех на́ших лучеза́рная ве́стнице избавле́ния.

Ра́дуйся, Любы́, незло́бие и кро́тость в сердца́ на́ша влива́ющая; ра́дуйся, та́инственная звездо́, от тесноты́ земны́я горе́ ны вознося́щая.

Ра́дуйся, Софи́е, му́драя и пречестна́я детоводи́тельнице; ра́дуйся, богому́драго жития́ моля́щимся ти устрои́тельнице.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 12

Благода́ть Бо́жию прия́ти сподо́бившияся, моли́те о нас, святы́я му́ченицы, Пречи́стаго Влады́ку Христа́, да ми́лостив бу́дет к нам гре́шным, с ве́рою, наде́ждою и любо́вию Ему́ Еди́ному, Го́споду и Спа́су на́шему, смире́нно пою́щим: Аллилу́иа.

И́кос 12

Пое́м ва́ша кре́пкия по́двиги, ве́рою, наде́ждею и любо́вию проникнове́нныя, почита́ем страда́ния ва́ша презе́льная, хва́лим ди́вное терпе́ние ва́ше, ублажа́ем кончи́ну, за Христа́ ва́ми ра́достно подъя́тую, велича́ем необори́мое му́жество ва́ше, святы́я му́ченицы Ве́ро, Наде́ждо и Любы́, и му́драя ма́ти Софи́е, и прославля́юще вас, взыва́ем си́це:

Ра́дуйтеся, а́ки три струи́ мо́лниины, от восто́к да́же до за́пад доброде́тельми свои́ми просия́вшия; ра́дуйтеся, фиа́ли ве́ры, наде́жды и любве́, животво́рным питие́м ду́ши на́ша напая́ющии.

Ра́дуйтеся, трие́ светоза́рнии путие́, ко престо́лу сла́вы Госпо́дни нас веду́щии; ра́дуйся, Софи́е, чад ра́ди твои́х от ли́ка святы́х похвале́нная.

Ра́дуйся, Ве́ро, цве́те ве́ры, па́че сне́га беле́йший; ра́дуйся, услажде́ние стра́ждущих.

Ра́дуйся, Наде́ждо, угнете́нных серде́ц возноше́ние; ра́дуйся, а́ки пото́к цельбоно́сный, жа́жду скорбя́щих душ утоля́ющая.

Ра́дуйся, Любы́, ве́нче из ми́ра, ра́дования и бла́гости соплете́нный; ра́дуйся, у́мная зарни́це ве́чности.

Ра́дуйся, Софи́е, же́зле си́лы, кро́тце и му́дре ча́да наказу́яй; ра́дуйся, богове́дения пресве́тлая луче́, душа́м на́шим возсиява́ющая.

Ра́дуйтеся, Ве́ро, Наде́ждо и Любы́, ку́пно с Софи́ею, ма́терию ва́шею прему́дрою.

Конда́к 13

О святы́я и достохва́льныя му́ченицы Ве́ро, Наде́ждо и Любы́, и му́драя ма́ти Софи́е, ны́не прие́мше ма́лое сие́ моле́ние на́ше, от вся́ких ны бед, боле́зней и скорбе́й моли́твами ва́шими изба́вите, да сподо́бльшеся во Ца́рствии Небе́снем зре́ти безсме́ртнаго Го́спода Иису́са, с ва́ми вку́пе воспое́м Ему́: Аллилу́иа.

Этот конда́к чита́ется три́жды, зате́м 1-й и́кос «А́нгели на Небеси́» и 1-й конда́к «Избра́нным раба́м».

Молитва

Моли́тва пе́рвая

О святы́я и достохва́льныя му́ченицы Ве́ро, Наде́ждо и Любы́, и до́блестных дще́рей му́драя ма́ти Софи́е! К вам ны́не со усе́рдною моли́твою притека́ем. Что бо па́че возмо́жет предста́тельствовати за ны пред Го́сподем, а́ще не ве́ра, наде́жда и любы́, три сия́ доброде́тели пребыва́ющия, во и́хже о́браз нарече́нныя, са́мою ве́щию о́ныя яви́сте? Умоли́те у́бо Го́спода, да в ско́рбех и напа́стех неизрече́нною благода́тию Свое́ю покры́ет ны, и сохрани́т, и Того́ сла́ву, я́ко со́лнце незаходи́мое, зре́ти да сподо́бит. Споспешеству́йте нам во смире́нных моле́ниих на́ших, да прости́т Госпо́дь Бог грехи́ и беззако́ния на́ша, и да поми́лует нас гре́шных, и щедро́т Свои́х да сподо́бит нас Христо́с Бог, Ему́же сла́ву возсыла́ем, со Безнача́льным Его́ Отце́м, и Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.

Моли́тва вторая

Ва́с, святы́я му́ченицы, Ве́ро, Наде́ждо и Любы́, сла́вим, велича́ем и ублажа́ем, ку́пно с му́дрою ма́терию Софи́ею, е́йже покланя́емся, я́ко о́браз богому́драго попече́ния явля́ющей. Умоли́, свята́я Ве́ро, Творца́ ви́димых и неви́димых, да ве́ру кре́пку, небла́зненну и неруши́му пода́ст на́м. Хода́тайствуй, свята́я Наде́ждо, пред Го́сподем Иису́сом за на́с гре́шных, да упова́ние на блага́я не отжене́т от на́с и от вся́кия ско́рби и ну́жды да изба́вит ны́. Испове́ждь, свята́я Любы́, Ду́ху и́стины, Уте́шителю, напа́сти и печа́ли на́ша, да То́й свы́ше сла́дость небе́сную ниспо́слет душа́м на́шим. Помози́те у́бо в беда́х на́ших, святы́я му́ченицы, и ку́пно с му́дрою ма́терию ва́шею Софи́ею, моли́те Царя́ царе́й и Го́спода госпо́дствующих, да сохрани́т под покро́вом Це́рковь Свою́ святу́ю. Со слеза́ми умиле́нно припа́дающе к ва́м, ва́шего те́плаго предста́тельства пред Бо́гом усе́рдно мо́лим, да ку́пно с ва́ми и со все́ми святы́ми превознесе́м и препросла́вим пресвято́е и вели́кое и́мя Отца́ и Сы́на и Свята́го Ду́ха Бо́га, Предве́чнаго Влады́ки и благи́х Соде́теля, ны́не и при́сно и во ве́ки веко́в. Ами́нь.

^sss^Святые Вера, Надежда, Любовь и матерь их София^sss^

Дорогие читатели, обращаюсь к вам в попытке вразумить вас хоть как-то. Вопрос стоит в иконопочитании

Святой князь Александр Невский

Святой Пророк Самуи

Празднуем Вербное Воскресение

Праздник Рождества Иоанна Предтечи 

Святой Иоанн Креститель

Оцените статью
Интернет справочник по православию, астрологии, нумерологии та хиромантии